Hanggang ngayon bangungot pa rin sakin ang kawalan ng kabanda. Hindi naman sa nangangahulugang takot akong nag iisa, sumasalamin dito ang kunsensya ko sa mga seryosong nanonood sa akin mula pa man noon.
Sabi nila, ilan sa mga lubos na nakakakilala
kay "KJah", nakakadama ng paninindig ng balahibo sa dulo ng
pagtatanghal, para sa akin, hindi yun sapat. Mayroong kulang sa tuwing
sasampa ako sa entablado. Kumbaga, may maskuladong kayang bumuhat ng isang
bahay, yun na yun. ISANG bahay lang, pero kung may tutulong sa kanya, Isang
BARANGAY kayang mailipat sa mas maayos na relokasyon. Bukod sa malaking
bagay sakin yung aanihin ng mga taong makakapanood, gusto ko ding
madagdagan pa ang aking enerhiya't pananabik sa tuwing sasampa. Iba yung
pakiramdam kapag may kapwa ka na handangpumalo, magka kalyo yung daliri para
lang lalong magkabuhay yung
kinakanta mo. Nakakataba ng puso yun.
Natuklasan ko ang ganitong
ideya nang mapanood ko ang "The Roots", Buhay na buhay ang tugtugan!
Mas lalo pa akong nahumaling nang makita ko yung live sessions ni Jay
Z. Simple lang sya gumalaw, ngunit tuwang tuwa pa din ang manonood,
hatid ng sigla na ipinaririnig ng mga instrumentong nasa paligid niya.
Ilan lang sila, napakadami kung iisa isahin mga idolo ko sa gantong
konsepto hehe.
Sinubukan naming magtayo dati ng pinsan
kong bahista, na ngayon ay mikropono na din ang hawak, bokalista ng
"SkyDive Academy."
Sayang hindi natuloy yung plano sa kadahilanang
magkakalayo na kami ng tirahan. Paminsan minsan, natatagpuan ko pa din ang
hanap ko, at malay natin, balang araw? Maging permanente na.
Ganito sa sirkulo ng kultura, sa dulo, nagtatagpo mga
tunay.
* View KJah's performance UPLB...http://www.youtube.com/watch?v=_5W8xUqNDSQ&feature=youtu.be
Walang komento:
Mag-post ng isang Komento